خرجت الفنانة المصرية شيرين عبد الوهاب، عن صمتها خلال مداخلة هاتفية في برنامج “كلمة أخيرة” الذى تقدمه الإعلامية لميس الحديدى على قناة “ON”، لتؤكد أن تصريحاتها السابقة حول طليقها حسام عارية من صحة، وأن هذا الأخير كان يعنفها.
وأفادت شيرين أن حسام حبيب حلق شعرها وعنفها، موجهة رسالة إعتذار لجمهورها قائلة: “عاوزة أستغفر ربنا على الكذب اللى كذبته عشان أخلى صورة إنسان تبقى كويسة، وأنا كذبت ودى أكتر حاجة ربنا مبيحبهاش.. حسام حبيب ضربني وسحلني على الأرض وهو اللي حلق لي شعري”.
وعن تسترها عن ماقام به حسام حبيب تجاهها قالت شيرين:”كدبت فى حاجات كتيرة أوى لأنى بنت أصول وكنت عاوزة أرفع صورة إنسان ممكن يروح فى يوم من الأيام يتجوز من عيلة تانية، ولو كنت قلت كلام وحش وقتها مكانش هيعرف يتجوز، وأنا نفسى يتجوز ويبعد عنى وأخلص منه”.
وتابعت شيرين: “أنا ست قاعدة فى أمان الله مع بناتى، بقالنا 4 سنوات شايفين الويل، سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتى، ومكناش بنخرج ومكناش عايشين تقريبا والبنات ماكانوش بيعرفوا يقعدوا معايا، لأنى كنت عايشة مع زوج مش بيشتغل تقريبا، وكنت محبوسة 24 ساعة فى أوضة نومى مش بعمل حاجة، قاعدة بس، وأنا غلطت فى حق نفسى، وكنت فاكرة إنى بحافظ على بيتى لكنى اكتشفت إنه ماكنش بيت، كانت عيشة فئران أو مصيدة أنا كنت زى الفار اللى بيدخل المصيدة ياكل حتة جبنة”.
وأكدت شيرين أنها يلزمها علاج نفسي لتتخلص من أثار تعنيف حبيب لها، تضيف: “حسام سرق العربية من قدام البيت.. سرق العربية مستغلا تواجدى فى الساحل.. أنا خرجت من الجوازة دى بالوكسة والحسرة.. ده إنسان خطر، لازم أروح اتعالج من آثاره عليا”.